शरद रेग्मी
काठमाडौ फागुण २१, हिजो देखि काठमाडौमा सुरु भएको नेपाली कांगे्रसको १३ औ महाधिवेशन अन्र्तगत आजदेखि  बन्द सत्रमा निती तथा कार्यक्रम तय हुदैछ ।  शुक्रवार १२ बजेसम्म उम्मेद्धारी दर्ता सकिए लगत्तै भृकुटिमण्डपको प्रर्दशनी हलमा बन्द सत्र सुरु भएको छ । केन्द्रिय सदस्य पदका लागि राप्तीबाट झण्डै २ दर्जन बढिको उम्मेद्धारी दर्ता भएको छ । नेपाली कांग्रेसका प्रभावशाली नेता एवं पूर्व गृहमन्त्री खुमबहादु्र खड्काले केन्द्रिय सदस्यमा उम्मेद्धारी दर्ता गर्नु भएको काठमाडौबाट पत्रकार शरद रेग्मीले जानकारी दिनुभएको छ ।  त्यस्तै युवा नेता तथा सांसद दिपक गिरी, राजु खनाल, पार्वती डिसी,अनिता देवकोटा  ले केन्द्रिय सदस्यका लागि उम्मेद्धारी दर्ता गराउनुभएको छ । त्यस्तै नेपाली कांग्रेस दाङका निर्वतमान जिल्ला सभापती घनश्याम रेग्मी, केशव आचार्य , भरत न्यौपाने , अनुराग यादव ले केन्द्रिय सदस्यका लागि उम्मेद्धारी दर्ता गराउनुभएको छ । त्यस्तै सल्यान बाट धु्रवराज पुरी , नेपाल उद्योग वाणिज्य महासघंका पूर्व केन्द्रिय सदस्य एवं प्रतिष्ठीत व्यापारी दिपेन्द्र कुमार खत्री र युवा नेता क्रृषिकेश जगं शाहले केन्द्रिय सदस्यमा उम्मेद्धारी दिनुभएको छ । त्यसैगरी रुकुमबाट मानबहादुर नेपाली , गोपाल जि जगं शाह र केशरमान रोकाले केन्द्रिय सदस्यमा उम्मेद्धारी दिनुभएको छ । त्यस्तै प्यूठानबाट डा. गोविन्द पोखरेल , दिवाकार गौतम र केशरमान रोकाले केन्द्रिय सदस्यमा उम्मेद्धारी दर्ता गर्नुभएको छ । त्यस्तै रोल्पाबाट मनोज मणि आचार्य ले केन्द्रिय सदस्यमा उम्मेद्धारी दर्ता गर्नुभएको छ ।  फागुण २३ गते विहान ८ बजेदखि सभागृहमा मतदान हुने भएको छ । महाधिवेशनमा झण्डै ३ हजार २ सय राष्ट्रिय तथा अन्र्तराष्ट्रिय प्रतिनिधिहरु सहभागी भएका छन् ।

Read more…

मेक्सिकोको एकापुल्को सहरमा एउटा यस्तो प्रहरी बल रहेको छ जसमा केवल सुन्दरी तथा जवान महिलाहरुलाई मात्र भर्ती लिइन्छ । यो पुलिस फोर्समा केवल १८ देखि २८ वर्षका युवतीहरुले मात्र काम गर्न पाउँछन् । यो पुलिस टुकडीको काम ट्राफिक व्यवस्थापन गर्नु, समुद्री तटमा गस्ती गर्नु तथा अपराधी पक्रिनु हो ।

केवल युवतीलाई मात्र भर्ति लिने यो पुलिस फोर्सको रोचक पक्ष के भने यसका प्रमुख कमाण्डर भने पुरुष छन् । पुलिस फोर्सका प्रमुख म्यानुएल फ्लोर्स हुन् । फोर्समा युवतीहरु मात्र भर्ति गर्नुका फाइदा बखान गर्दै उनी भन्छन् : यो सहरका जो जति अपराधी स्वभावका मानिसहरु छन् उनीहरुले समेत सुन्दरी महिला पुलिसको अगाडि नम्र व्यवहार गर्दछन् । मलाई आफ्नो पुलिस फोर्समाथि गर्व छ ।

अर्को रोचक कुरा के भने यी महिला प्रहरीलाई पर्यटकहरुसँग जिस्किन छुट दिइएको  छ । एकापुल्को सहरको ८० प्रतिशत अर्थव्यवस्था अमेरिकी पर्यटकले धानेको छ । पुलिस फोर्समा ससक्त महिलाहरुलाई देखेर पर्यटकहरुमा समेत आत्मविश्वास बढ्दछ ।

युवती भर्तिसँगै सहरमा पर्यटकमाथि हुने अपराधमा पनि कमी आएको छ । तर यो पुलिस फोर्समाथि पनि लैंगिक भएको आरोप लाग्ने गरेको छ । तर यस्तो आरोपले आफुहरुलाई कुनै फरक नपर्ने महिला प्रहरीहरु बताउँछन् ।

Read more…

लुटेराहरुको पनि चित्त चाहीँ हुँदोरहेछ । एकजना दृष्टिवीहिन मानिसको कुकुर लुटेका लुटेराहरुले माफी माग्दै उक्त कुकुर फिर्ता गरेका छन् ।

राजधानी बेइजिंगको बाहिरी इलाकामा आफ्नो सात वर्षीय कुकुर किआओकिआओलाई डोर्याएर बाटोमा हिँडिरहेको बेला लुटेराहरुको एक समूहले यिन फेंक्बोको कुकुर लुटेर लगेका थिए ।

तर लुटिएको कुकर एक्कासी मंगलबार घरमै आयो । उक्त कुकुरको ढाडमा एउटा प्लास्टिकको झोला बोकाइएको थियो । उक्त झोलाभित्र कागजमा लुटेराहरुले केही लेखेका थिए र जसमा लेखिएको थियो, ‘हामी गलत थियौँ…..माफी माग्दछौँ ।’

आफ्नो कुकुर लुटेराहरुले फिर्ता गरेसँगै दृष्टिविहीन तियान खुसी छन् । सुरुको रात केही हतास जस्तो देखिएपनि अहिले ऊ ठीक भएको र उफि्रन थालिसकेको उनी बताउँछन् ।

प्यारो कुकुर अपहरणमा परेसँगै आफ्नो भोक निद्रा हराएको फेंग्बोको भनाइ छ । उनले पाँच वर्षदेखि उक्त कुकुर पाल्दै आएका थिए ।

स्मरण रहोस् चीनमा कुकुरको चोरी निकै चल्तीको अपराधको रुपमा रहेको छ । चोरहरुले कुकुर चोरेर मासु बजारमा बेच्ने गर्दछन् ।

Read more…

कहिलेकाहीँ फेसबुक मित्रको दुःखको खवर सेयर हुँदा कसरी दुःख ब्यक्त गर्ने भन्ने चिन्ताले तपाइँ पक्कै पनि चिन्तित हुनुहुन्थ्यो होला । साथीको दुःखमा साहनुभूति दिन पाए हुन्थ्यो भन्ने तपाइँको इच्छा अब फेसबुकले पुरा गरिदिएको छ ।

फेसबुकले लाइकको विस्तारका रुपमा हालै पाँच नयाँ इमोसनहरु सुरु गरेको छ जहाँ तपाइँले आफ्नो साथीको दुःखमा स्याड चिन्ह प्रयोग गरेर साहनुभूति दिन सक्नुहुन्छ ।

तपाईले मोवाइल तथा ट्याबलेट र कम्युटरमा फेसबुक खोल्दा ‘लाईक बटन’ हुने स्थानमा अव अन्य पाँच बटनहरु हुनेछन् ।

फेसबुकले ल्याएको लाईकका बिकल्पहरुमा माया, रिस, दुःख, हाँसो र आश्चर्य लगायत छन् । सबै पोष्टमा प्रयागकर्ताले लाईकमात्र गर्न नसक्ने यथार्थलाई मध्यनजर गरी फेसबुकले बिकल्पका रुपमा यी पाँच प्रतिक्रियात्मक संकेत उल्लेख गरेको हो ।
फेसबुक चलाउँदा कसैको पोष्टमा प्रतिक्रिया दिनुपरेमा तपाइले लाइक भएको स्थानमा ‘टच’ गर्नुहोस । त्यसपछि पाँचवटै विकल्पहरु खुल्नेछन् । तपाईले चहानुभएको विकल्पमा ‘टच’ गरी ‘पोष्ट’ गर्न सक्नुहुनेछ ।

फेसबुकले यस बिकल्पलाई पहिलो पटक गत अक्टोबरमा आयरल्याण्ड, जापान र स्पेनमा परिक्षण गरेको थियो । परिक्षण सफल भएपछि यसलाई नियमित बनाउन लागिएको हो ।

तर समर्थकको सबैभन्दा धेरै माग रहेको ‘डिसलाइक बटन’ को सुविधा भने फेसबुकले यसपटक पनि बिस्तार गरेन । फेसबुकका प्रोडक्ट डिजाइन डइरेक्टर जुली जुहोले भनेका छन्, ‘फेसबुकले लाइकका अलावा पाँच प्रतिक्रियाको सुविधा थपेको छ । त्यसले उनीहरुको अभिव्यक्तिलाई नियन्त्रण गर्न सक्छ ।’

Read more…

रोल्पा । रोल्पाको थवाङमा २ जनाको हत्या भएको छ । थवाङ ९ का ३५ वर्षीय वसन्त पुन र उनकी आमा ६० वर्षीया जमानसरी पुनको धारिलो हतियार प्रयोग गरी हत्या गरेको प्रहरीले जनाएको छ ।
हत्या अभियोगमा वसन्तकी श्रीमती तिलाकुमारी पुन पक्राउ परेकी छन् । उनले नै श्रीमान र सासुको हत्या गर्नुका साथै ससुरालाई समेत घाइते बनाएको प्रहरीको भनाइ छ ।
घरायसी विवादका कारण हत्या भएको हुनसक्ने भन्दै प्रहरीले तिलालाई पक्राउ गरी अनुसन्धान जारी राखेको छ ।

Read more…

ऐजेन्सी । आफैले सिर्जना गरेका विकृत पदार्थका कारण मानवजाति नै जोखिममा रहेको वैज्ञानिक स्टेफन हकिङले बताएका छन् । उनले संसारमा बढ्दै गएको आणविक युद्ध, जलवायु परिवर्तन र आणुवांशिक रूपले सिर्जित भाइरसलाई मुख्य खतरा मानेका छन् । उनको विज्ञान तथा प्रविधिमा हुने गरेको नयाँ परिवर्तनसँगै जोखिमपनि बढ्दै जाने बताएका छन् ।
वैज्ञानिक हकिङले ‘बीबीसी रिथ लेक्चर’ मा लेक्चर दिँदै छन् । उनले ‘ब्ल्याक होल’ सम्बन्धी अनुसन्धानमाथि मन्तव्य  राख्दै प्रश्नहरूको जवाफमा यस्तो धारणा राखेका हुन् । उनका अनुसार अरू नै विश्वमा मानव बसाइ स्थापित गरेको खण्डमा मानवजाति जोगिन सक्ने विचारसमेत राखे । उनले भने ‘कुनै निश्चित सालमा पृथ्वीमाथि महाविपत्ति आउने भन्ने सम्भावना कम हुन्छ तर समय क्रमसँगै खतरा बढ्दै जान्छ । अर्को हजार वा १० हजार वर्षमा यो विनाश पक्का छ ।’
पृथ्वीमा हुने महाविपत्तिले मानव जातिको अन्त्य नगरोस् भनि त्यतिन्जेलसम्म मानिस अन्तरिक्षमा फैलिसक्नुपर्ने उनको धारणा रहेको छ । उनले भने ‘तर अर्को केही सय वर्षसम्म हामीले अन्तरिक्षमा दिगो मानव बसाइ स्थापना गर्न सक्ने देखिन्न । त्यस कारण हामी यस अवधिमा चनाखो हुन जरुरी छ ।’

हकिङ अहिलेको समयका सबैभन्दा ठूलो वैज्ञानिक हुन् । उनले नै यस्तो संकट देखाउनु गम्भीर विषय हुनसक्छ ।
उनले कृत्रिम सूचना ‘आर्टि्फिसियल इन्टेलिजेन्स’ लाई मानव जाति समाप्त पार्न सक्ने चिजका रूपमा प्रस्तुत गरेका थिए । तर, हकिङले संकटसँग लड्ने उपायहरूपनि रहेको उल्लेख गरे ।
युवा वैज्ञानिकहरूलाई सल्लाह दिदै उनले भने, ‘हामी प्रगति रोक्नेवाला छैनौं । यसलाई उल्टयाउन पनि सक्दैनौं । तर हामी खतरा पहिचान गरेर नियन्त्रण गर्न सक्छौं । म आशावादी छु कि हामी त्यसो गर्न सक्छौं’।

Read more…