सिन्धुली, वैशाख १६ - बीपी राजमार्ग हुँदै पूर्वी नेपाल तथा तराइका बिभिन्न भाग जाने यात्रुसँग बढी भाडा असुल्ने ५८ सवारीसाधनमािथ कारबाही गरिएकाे छ । सिन्धुलीको ढुंग्रेवास र चियावारी नजिकमा चेकजाँच गरि प्रहरीले पैसा फिर्ता गराएकाे हाे ।

काठमाडाै‌काे कोटेश्वरबाट सिन्धुलीमाढीसम्म १४८ किमी कालोपत्रे सडकमा ८ देखि १० यात्रु अट्ने साना सवारीले २५ हजारसम्म भाडा असुलेको पाइएको छ । यसरी बढी भाडा लिनेबाट म‌गलबार र बुधबार दुई दिनगरी यात्रुलाई करिब  ५ लाख रुपैंया फर्काइएको प्रहरी निरिक्षक राजेन्द्र थापाले जानकारी दिए ।

सरकारले बससेवा मार्फत नि:शुल्क घरफिर्ता गर्ने घोषणा गरे पनि महंगो रकम तिरेर रिजर्भ लिइ आउने चाप बुधबार पनि घटेको छैन् ।

मंगलबार मात्रै करिब १५ हजार सवारी साधन बीपी राजमार्ग हुँदै पूर्वी तराइ गएका छन् । बर्दिवाससम्मको १६० किलोमीटर सडकमा एउटा ट्याक्सीले २० हजारसम्म असुलेको पाइएको र त्यस्ताबाट रकम फिर्ता गरिएको ट्राफिक प्रहरीका रामेश्वर पाण्डेले जानकारी दिए ।

Read more…

काठमाडौ, वैशाख १६ - शनिबारदेखि बुधबारसम्म ४ रेक्टरस्केल भन्दा ठूला १ सय ३ भूकम्प गएका छन् । शनिवार ११:५६ मा गोरखाको बारपाक केन्द्रविन्दु बनेर गएको ७.६ रेक्टरको भूकम्प सबैभन्दा ठूलो हो ।

त्यो अहिलेसम्मकै दोस्रो ठूलो भूकम्प भएको खानी तथा भूगर्भ विभागका उपमहानिर्देशक डा.सोमनाथ सापकोटाले बताए । यसअघि १९९० मा ८.४ रेक्टरस्केलको भूकम्प गएको थियो । त्यसबाट ८ हजार ५ सय जनाको ज्यान गएको थियो भने हजारौ संरचना ध्वस्त भएको थियो ।

पहिलो दिन १२ गते शनिबार १२ घण्टामा ३९ वटा भूकम्प गएका थिए भने १३ गते आइतबार २४ घण्टामा ३८ तेस्रो दिन १४ गते सोमबार २४ घण्टामा १३ र चौथो दिन मंगलबार २० घण्टामा ११ भूकम्प गएको राष्ट्रिय भूकम्प मापन केन्द्रले जनाएको छ ।

यसैगरी बुधबार बिहान ४ रेक्टर स्केलका दुईवटा भूकम्प गएका छन् ।

केन्द्रका प्रमुख लोकविजय अधिकारीका अनुसार शनिबारदेखि मंगलबारसम्म ४ रेक्टरस्केलभन्दा साना ६ सय भन्दा बढी भूकम्प गएको छ । तर तीनले कुनै असर नपुर्‍याउने भूगर्भविद्हरु बताउँछन् । ४ रेक्टरभन्दा तलका भूकम्प आएको खासै थाहा नहुने अधिकारीले बताए ।

कुन दिन कति भूकम्प ?

(४ रेक्टर स्केलभन्दा माथिका)

वैशाख १२ गते शनिबार

क्रम        समय    कत्रो    केन्द्रबिन्दु

१.        ११:५६    ७.६        गोरखा

२.        १२:२३    ५.५      सिन्धुपाल्चोक÷तिब्बत

३.        १२:३०    ६.६       गोरखा

४.        १२:४१    ५.७     रसुवा

५.        १२.५३    ५.३    रसुवा

६.        ०१:३२    ५.१      तिब्बत

७.        ०२:०२    ५.२    सिन्धुपाल्चोक

८.        ०२:०५    ५.१    गोरखा

९.        ०२:१४    ५.२    गोरखा

१०.        ०२:४०    ५.७    काभ्रे

११.        ०२:४८    ५.३    रसुवा

१२.        ०३:०२    ५.९    तिब्बत

१३.        ०३:१५    ५.५    सिन्धुपाल्चोक

१४.        ०३:२८    ४.६    रसुवा

१५.        ०४:०८    ४.१    सिन्धुपाल्चोक

१६.        ०४:२५    ४.०    सिन्धुपाल्चोक

१७.        ०४.५०    ४.६    सिन्धुपाल्चोक

१८.        ०५:२६    ४.१    रसुवा

१९.        ०६:०२    ४.९    नुवाकोट

२०.        ०६:२४    ४.५    दोलखा

२१.        ०६:२९    ५.५    गोरखा

२२.        ०७:१५    ४.७    रसुवा

२३.        ०७:२१    ४.९    दोलखा

२४.        ०७:३८    ४.१    नुवाकोट

२५.        ०७:४७    ४.१    काठमाडौं

२६.        ०७:५५    ४.७    सिन्धुपाल्चोक

२७.        ०८:०८    ४.१    रसुवा

२८.        ०८:२१    ४.५    दोलखा

२९.        ०८:२५    ५.०    सिन्धुपाल्चोक

३०.        ०८:३६    ४.४    रसुवा

३१.        ०९:०२    ४.२    सिन्धुपाल्चोक

३२.        १०:१२    ५.३    सिन्धुपाल्चोक

३३.        १०:३१    ४.०    नुवाकोट

३४.        ११:१९    ४.१    सिन्धुपाल्चोक

३५.        ११:२४    ४.०    सिन्धुपाल्चोक

३६.        ११:२५    ४.०    नुवाकोट

३७.        ११:२७    ५.६    तिब्बत

३८.        ११:४०    ४.०    रसुवा

३९.        ११:४६    ४.१    सिन्धुपाल्चोक

आइतबार

४०.        ००:१४    ४.१    सिन्धुपाल्चोक

४१.        ००:४३    ४.६    काठमाडौं

४२.        ०१:२९    ४.१    सिन्धुपाल्चोक

४३.        ०१:४९    ४.०    रसुवा

४४.        ०१:५२    ४.२    गोरखा

४५.        ०१:५६    ४.४    सिन्धुपाल्चोक

४६.        ०२:०८    ४.०    रसुवा

४७.        ०२:१४    ४.३    गोरखा

४८.        ०२:१७    ४.८    सिन्धुपाल्चोक

४९.        ०२:४९    ४.०    गोरखा

५०.        ०२:५२    ४.८    सिन्धुपाल्चोक

५१.        ०५:०१    ५.५    गोरखा

५२        ०५:२५    ४.०    काठमाडौं

५३.        ०५:२६    ४.५    दोलखा

५४.        ०५:३२    ४.०    रसुवा

५५.        ०६:००    ४.०    काठमाडौं

५६.        ०६:१७    ४.०    नुवाकोट

५७.        ०८:४३    ४.५    गोरखा

५८.        ०८:५५    ५.१    नुवाकोट

५९.        ०९:०६    ५.०    काभ्रे

६०.        १०:३५    ४.५    सिन्धुपाल्चोक

६१.        १०:४३    ४.८    गोरखा÷धादिङ

६२.        ००:५४    ६.९    दोलखा÷ सिन्धुपाल्चोक

६३.        ०१:१२    ५.३    सिन्धुपाल्चोक

६४.        ०१:२२    ५.०    सिन्धुपाल्चोक

६५.        ०२:२५    ४.८    सिन्धुपाल्चोक

६६.        ०२:३१    ४.५    सिन्धुपाल्चोक

६७.        ०३:२७    ४.५    सिन्धुपाल्चोक

६८.        ०६:५६    ५.०    सिन्धुपाल्चोक

६९.        ०७:०८    ४.०    सिन्धुपाल्चोक

७०.        ०८:१७    ४.०    नुवाकोट

७१.        ०८:२९    ४.५    सिन्धुपाल्चोक

७२.        ०८:४२    ४.५    गोरखा

७३.        ०९:४७    ४.०    दोलखा

७४.        १०:०८    ४.०    काठमाडौं

७५.        १०:११    ५.३    सिन्धुपाल्चोक

७६        १०:४२    ४.०    दोलखा÷ सिन्धुपाल्चोक

७७.        ११:५१    ४.२    सिन्धुपाल्चोक

सोमबार

७८.        ००:३९    ४.५    रसुवा

७९.        ०३:३७    ४.१    नुवाकोट

८०.        ०४:१५    ४.२    काभ्रे

८१.        ०४:१७    ४.५    काभ्रे

८२.        ०४:२७    ४.४    सिन्धुपाल्चोक

८३.        ०६:२४    ४.७    नुवाकोट

८४.        ०८:१८    ४.२    काभ्रे

८५.        ०९:५९    ४.३    रसुवा

८६.        १०:०५    ४.०    सिन्धुपाल्चोक

८७.        ०३:१७    ४.०    नुवाकोट

८८.        ०९:३६    ४.५    नुवाकोट

८९.        १०:३९    ४.२    सिन्धुपाल्चोक

९०.        ११:३०    ४.०    धादिङ

मंगलबार

९१.        ००:४४    ४.८    गोरखा÷धादिङ

९२.        ०२:५९    ४.२    सिन्धुपाल्चोक

९३.        ०३:१२    ४.२    सिन्धुपाल्चोक

९४.        ०४:११    ४.२    गोरखा

९५.        ०५:०५    ४.९    रसुवा÷ सिन्धुपाल्चोक

९६.        ०७:४५    ४.२    दोलखा

९७.        ०८:४०    ४.०    सिन्धुपाल्चोक

९८.        १२:०८    ४.०    सिन्धुपाल्चोक

९९.        ०३:१०    ४.०    सिन्धुपाल्चोक

१००.      ०४:४४    ४.०    नुवाकोट

१०१.        ०५:०३    ४.२    सिन्धुपाल्चोक

बुधबार

१०२.         ०४:१४    ४.०     नुवाकोट

१०३        ०५:५४    ४.०     नुवाकोट

स्रोत : राष्ट्रिय भूकम्पमापन केन्द्र

Read more…

काठमाडौ, वैशाख १५ - संसदको राज्य व्यवस्था समितिले पीडितहरुलाइ तत्काल महसुस हुने गरी उद्दार, राहत र पुनस्र्थापनाको व्यवस्था मिलाउन सरकारलाई निर्देशन दिएको छ ।

समितिको मंगलबारको बैठकले न्यूनतम सामग्री समेत प्राप्त गर्न नसकेकोप्रति सरकारको ध्यानाकर्षण  गराएको छ । समितिले  भइरहेको कामहरुको निरन्तर जानकारी गराउन पनि गृहमन्त्री बामदेव गौतमलाई निर्देश गरेको छ । समितिले पिडित र घाइतेहरुको सरल र सहजरुपमा नि:शुल्क उपचार गराउने व्यवस्था तत्काल मिलाउने, मृतकहरुको व्यवस्थापन  गर्न भनेको छ ।

सवारी आवागमन सहज र सुचारु रुपमा सञ्चालन गराउदै  राजधानी वाहिर जान चाहने  तर सवारी भाडाको व्यवस्थापन गर्न नसक्ने यात्रुहरुका आवश्यक प्रवन्ध मिलाउन पनि सरकालाई आग्रह गरेको छ । त्यस्तै आपराधिक कृयाकलापमा संलग्न हुने प्रवृत्ति देखा परिसकेको यस अवस्थामा त्यस्ता कार्यलाई निरुत्साहित गर्न आवश्यक मात्रामा सुरक्षा निकायहरुको पेट्रोलिङ निरन्तर रुपमा सबै क्षेत्रमा गर्ने गराउने व्यवस्था मिलाउन पनि समितिले निर्देशन दिएको छ ।

कृत्रिम अभाव र कालोबजार नियन्त्रण गरी अत्यावश्यक सेवा सुविधा २४ सै घण्टा उपलब्ध गराउने, सेल्टरको रुपमा प्रयोग भएका स्थानहरुमा अत्यावश्यक सुरक्षाको प्रत्याभूति, खानेपानीको व्यवस्थापन र शौचालयको समेत उचित प्रवन्ध गर्न पनि समितिले भनेको छ । संभावित रोक नियन्न्त्रणका लागि व्यवस्थापन गर्ने ,निकट भविष्यमा नै सञ्चालन हुने विभिन्न परीक्षाहरुको सम्बन्धमा औचित्यतपूर्ण निर्णयको लागि सम्बन्धित निकायको ध्यानाकर्षण गराउन पनि समितिले सरकालाई निर्देशन दिएको छ ।

Read more…

काठमाडौ, वैशाख १५ - सोमबार बिहानैदेखि भूकम्प कमजोर बन्दै गएको छ । सोमबार बिहान १० बजेपछि भूकम्प नगएको राष्ट्रिय भूकम्प मापन केन्द्रले जनाएको छ ।

शनिबार र आइतबारको तुलनामा सोमबार सर्वसाधारणले राहत महसुस गरेका छन् । सोमबार अघिल्ला दुई दिनभन्दा सवारी साधन र चहलपहल बढे पनि बजार भने खुलेको छैन । भूकम्प आउने क्रम घटे पनि आमजनतामा अझै मानसिक त्रास भने घटेको छैन ।

भूगर्भ विभागका उपमहानिर्देशक तथा भूगर्भविद् डा.सोमनाथ सापकोटाले सोमबारदेखि कम क्षमता र धेरै समयको ग्यापमा ४ रेक्टर स्केलभन्दा साना भूकम्पमात्र गएको बताए ।

‘अब तारन्तार भूकम्प आउने सम्भावना टरेको छ,’ भूगर्भविद् डा.सापकोटाले सोमबार कान्तिपुरलाई भने, ‘अब आत्तिनुपर्ने अवस्था छैन, भूकम्प विस्तारै सामान्य बन्दै गएको छ ।’

डा.सापकोटाका अनुसार शनिबारदेखि सोमबार साँझसम्म ४ रेक्टर स्केलभन्दा माथिका ८६ वटा भूकम्प गएका थिए । ४ रेक्टर स्केलभन्दा साना सयौं भूकम्प गए पनि त्यसले कुनै क्षति नपुर्‍याउने भूगर्भविद् तथा मापन केन्द्रको लोकविजय अधिकारीले बताए । सोमबार १० बजेपछि ३.५ रेक्टर स्केलका मात्रै केही भूकम्प गएका थिए । ती कम क्षमताका भूकम्प हुन् । कतिपय साना भूकम्प मापन नै नगरिने जानकारी अधिकारीले दिए ।

शनिबार ११:५६ मा गएको ७.६ रेक्टरको भूकम्प १९९० सालपछिको ठूलो थियो । ९० सालमा ८.४ रेक्टर स्केलको भूकम्प गएको थियो । आइतबार १२:५४ मा गएको ६.९ रेक्टरको भूकम्प २०४५ सालको भन्दा शक्तिशाली थियो । २०४५ मा ६.८ रेक्टर स्कलेको भूकम्प गएको थियो ।

योपटक सबभन्दा बढी क्षति शनिबारको भूकम्पले निम्त्याएको हो । पूर्वी भागमा चाहिँ आइतबारको भूकम्पले क्षति बढी गराएको छ । आइतबार १२:५६ मा गएको भूकम्प सिन्धुपाल्चोक र दोलखाको केन्द्रविन्दु बनाएर गएकाले पूर्वीक्षेत्रमा असर बढी गराएको हो । राष्ट्रिय भूकम्प मापन केन्द्रका अनुसार आइतबार साँझपछि ५ रेक्टर स्केलभन्दा ठूला भूकम्प गएको छैन । भूगर्भविद्ले यसलाई सुधारको संकेत मानेका छन् । सोमबार बिहानदेखि साँझसम्म ४ रेक्टरभन्दा साना ९ वटा भूकम्प गएको डा.सापकोटाले बताए । साना भूकम्पले खासै असर नगर्ने भएकाले त्रसित नहुन भूगर्भविद्को सुझाव छ । केन्द्रले भूकम्प सामान्य बन्दै गएको गृह मन्त्रालयलाई पनि जानकारी गराएको छ ।

सोमबारदेखि भूकम्प कमजोर बन्दै गइरहेका बेला अझै ठूलो भूकम्प आउन सक्ने भन्दै भ्रम फैलाइएकामा भूगर्भविद्ले खण्डन गर्दै भूकम्पको मिति, प्रकार र क्षमता आकलन गर्न नसकिने भएकाले भ्रममा नपर्न आग्रह गरेका छन् ।

तारन्तर भूकम्प जाने सम्भावना टरिसकेकाले सुरक्षित तरिकाले घरमा बस्नु उपयुक्त हुने भूगर्भविद्हरूको सुझाव छ । ‘केही दिनसम्म झड्का आइहाले पनि सुरुजत्तिको भूकम्प दोहोरिने सम्भावना न्यून हुन्छ’ डा.सापकोटा भन्छन् । १९९० सालको भूकम्प जाँदा ६ दिनसम्म कम्पन भएको ब्रह्मशमशेर जबराले १९९१ मा प्रकाशित आफ्नो पुस्तकमा उल्लेख गरेका छन् ।

Read more…

चितवन , वैशाख १४ - आइतबार राती देखी पहिरोका कारण बन्द भएको मुग्लीन–नारायणघाट सडकखन्ड केही बेर अघि खुलेको छ । मुग्लिन र जलबिरेको बिचमा पर्ने काली खोला नजिक खसेको पहिरो सडक विभागले हटाएपछि राजमार्गमा आवतजावत सुचारु भएको हो ।

पहिरोको कारण हजारौा यात्रु सडकमा अलपत्र परेका थिए । नारायणघाटबाट काठमाडौा आउन चाहने तथा उपत्यकाबाट बाहिर जान चाहिरहेका यात्रुहरु बाटोमा फसेका थिए ।

शनिबार महाभूकम्प पछि नै त्यो क्षेत्रमा पहिरो खसिरहेको छ ।

Read more…

काठमाडौ, वैशाख १४ - शनिबारको महाभूकम्पमा क्षतिग्रस्त भएका ऐतिहासिक सम्पदाहरू जीर्णोद्धार र पुननिर्माण हुन कम्तीमा १० वर्ष लाग्ने पुरातत्त्व विभागले जनाएको छ।

क्षति पुगेका सम्पदाहरू कति हुन् भन्ने आइतबार साँझसम्म पनि पूर्ण विवरण आइनसकेको विभागका इन्जिनियर सम्पत घिमिरेले जानकारी दिए। महाभूकम्पमा सुनधाराको धरहरा, राष्ट्रिय संग्रहालय छाउनी, भक्तपुरस्थित राष्ट्रिय कला संग्रहालय, दरबार हेरचाह कार्यालय, पाटन दरबार, वसन्तपुर दरबार स्क्वायर र चाँगुनारायण मन्दिरमा बढी क्षति पुगेको छ। उपत्यकाबाहिर जानकी मन्दिरलगायत थुप्रै सम्पदाहरू पनि क्षतिग्रस्त भएका छन्।

'१९९० सालको भूकम्पभन्दा यस पटकको क्षति बढी देखिएको छ, त्यो बेला सामान्य घरको संख्या धेरै थियो, अहिले आधुनिक घरमा कम असर छ,' घिमिरेले भने, 'सम्पदाका लागि पर्याप्त बजेट छुटयाएर काम थाल्दा पनि पुनर्निर्माणका लागि कम्तीमा १० वर्ष लाग्छ।'

अधिकांश भवन र सम्पदा निर्माण गर्न काठ, गुणस्तरीय सुर्खी (इँटाको धूलो), स्थानीय नेवारी इँटा, चुनजस्ता सामग्री आवश्यक पर्छ। चाँगुनारायणलगायत शिलालेखहरू यस बीचमा पटक पटक जीर्णोद्धार हुँदै आए पनि यस पटकको क्षतिले पुननिर्माण गनुपर्ने भएको छ। पुरातत्त्व विभागका प्राविधिक गोविन्द न्यौपानेले मानिसको बिमा गराउने व्यवस्थाझैं यस्ता सम्पदाको समेत बिमा गर्न सके विपत्तिका बेला जीर्णोद्धार कसरी गर्ने भन्ने समस्या उत्पन्न नहुने जिकिर गरे। 

पुरातत्त्व विभागले छ महिनाअघि भूकम्प प्रतिरोधी घर निर्माणसम्बन्धी एक कार्यक्रम आयोजना गरेको थियो। यसपटक महाभूकम्पका बेला भएको क्षतिको आकलन गर्दै सम्पदा निर्माणका क्रममा भूकम्प प्रतिरोधी प्रविधि अपनाएर योजना बनाउने विभागले जानकारी दिएको छ।

Read more…

काठमाडौं, वैशाख १३ - शनिबार नेपालमा गएको शक्तिशाली भूकम्पमा परी मर्नेको संख्या २ हजार १ सय ५२ पुगेको छ । प्रहरीले संकलन गरेको तथ्यांक अनुसार हालसम्म ५ हजार ४ सय ६१ जना घाइतेको देशभरका विभिन्न अस्पतालमा उपचार भइरहेको छ ।

काठमाडौंमा मात्रै ७ सय ३९ को मृत्यु भएको छ । भक्तपुर र ललितपुरमा मर्नेको संख्या २ सय १९ र १ सय ५७ छ ।

हालसम्म ५ सय ५४ जनाको शव परिवारलाई बुझाइएको प्रहरीले जनाएको छ ।

पूर्वाञ्चल क्षेत्रमा भूकम्पका कारण ३९, मध्यक्षेत्रमा ८ सय ३१, पश्चिमाञ्चलमा १ सय ६७ र मध्यपश्चिममा २ जनाको ज्यान गएको छ ।

भूकम्पमा परी २ जना विदेशी र दुई प्रहरीको मृत्यु भएको छ ।

शनिबार नेपालका विभन्न स्थानलाई केन्द्र बनाई शक्तिशाली भूकम्प जाँदा ऐतिहासिक संरचनासहित ठूलो मानवीय र भौतिक क्षति भएकोहो ।

Read more…

शनिबार मध्याहृनपछि आएको भूकम्पको धक्का आउने क्रम अझै रोकिएको छैन । आइतबार मध्याहृन फेरि भूकम्पको धक्का महसुस भएको छ ।
इण्डोनेसियाबाट फर्किएका प्रधानमन्त्री कोइरालाले गहृ मन्त्रालयमा पत्रकार सम्मेलन गरेका थिए । पत्रकार सम्मेलन सकेर बाहिर निस्कने क्रममा भूकम्पको धक्का महसुुस भएपछि सिंहदरवारमा प्रधानमन्त्री र मन्त्रीको भागाभाग भएको छ । प्रधानमन्त्री र मन्त्रीहरुलाई सुरक्षाकर्मीहरुले समातेर खुला चौरमा राखेका छन् ।

Read more…

काठमाडौ, वैशाख १३ - महाभूकम्प गएको २५ घण्टापछि फेरि ठूलो झट्का महशुस गरिएको छ । शनिबार ११ बजेर ५६ मिनेट जाँदा लम्जुङ केन्द्रविन्दु बनाएर ७.९ रेक्टर स्केलको भूकम्प गएको थियो । 

 आइतबार १२ बजेर ५६ मिनेट जाँदा पनि उत्तै शक्तिशाली झट्का महशुस गरिएको हो । 

यसबीचमा करिव सय भन्दा धेरै साना झट्का महशुस गरिएको थियो । शनिबारको भूकम्पले नेपालको ऐतिहासिक धरहराको संरचना ध्वस्त भएको थियो भने बसन्तपुर पाटन र भक्तपुर दरबारस्क्वायरका संरचनाहरु पनि भत्किएका थिए ।

भूकम्पका कारण १९ सय बढीको ज्यान गइसकेको छ भने हजारौँ घाइतेको उपचार भइरहेको छ । 

भूकम्प आएलगत्तै नेपाललाई सघाउन अन्तर्राष्ट्रिय समुदायले चासो देइरहेका छन् ।

Read more…

 एमाले अध्यक्ष केपी शर्मा ओलीले नयाँ संविधानमा 'धर्म निरपेक्ष' शब्द उल्लेख नहुने बताएका छन् ।

भारतीय योग गुरु रामदेवको काठमाडौंमा भएको 'योग विज्ञान शिविर'मा शनिबार बिहान प्रमुख अतिथिकारुपमा उपस्थित ओलीले अन्तरिम संविधानसमा अंग्रेजी शब्द 'सेक्युलर' को गलत अनुवाद भएको बताए । 'अन्तरिम संविधानमा अंग्रेजी शब्द 'सेक्युलर' को अनुवाद गलत भयो,' उनले भने, 'नयाँ संविधानमा सबै धर्म, संस्कृति, परम्परा र आस्थाप्रति समभाव रहने शब्द लेखिनेछ ।'

ओलीले नेपाल धर्म निरपेक्ष वा कुनै एक धर्म सापेक्ष मुलुक नहुने बताए ।

ओलीले नेपाललाई सबै धर्म, संस्कृति, मूल्य, परम्परा र आस्थाको साझा थलो बनाउने पनि उल्लेख गरे ।

कार्यक्रममा रामदेवले नेपाललाई 'आध्यात्मिक राष्ट्र' घोषणा गर्न सुझाव दिए । 'शर्माजी तपाईं के भन्नुहुन्छ ?' भनेपछि ओली मञ्चमा पुगेर नेपाललाई सबै धर्म संस्कृतिको साझा मुलुक बनाउने बताएका थिए ।

कार्यक्रममा पूर्वप्रधानमन्त्री एवं एमाले नेता माधवकुमार नेपाललगायतको उपस्थित थिए । एमाले नेता नेता नेपालले नेपाल पूर्वीय दर्शको उद्गम थलो रहेको भन्दै प्रचार प्रसार गरिदिएकोमा रामदेवलाई धन्यवाद दिए ।

Read more…